Segg mal wat weer dat denn güstern, dat hett ja Buddels rögent!

Bi uns seggt se jo: Rägen deit dat bloot, wenn de Hering in de Höh vun diene Oogen vörbieswimmt. Na denn weer güstern bütten Rägen.

Dat Wader kunn gaar nicht mehr wech, is vun ünnen ut den Kanal kroken. Mit uns Füürwehr´n sünd wi 15 mal utrückt und hebbt uns Pumpen ohrig in Gang hat.

Na den Saddenfäl kümmt wi nu erstmol nicht mehr de Straat lang. De Slavenbrüch is unnerspoilt und nu künnt de Autos dar nicht mehr dör.

De Beek is sogar öber de Straat gohn – wi hebbt bi all den ohlen Lüüt froogt und se seggt dat hebbt se all noch nich seihn.

De Lösdieck in Rümpel kunn dat Wader ok nich mehr nemmen. De Wisch bet hen to de Wiesenstraat bi Hahn ́s weer n´ grooten See. Un de Dörpstraat weer n´ grooten Fluss.

De Kläranloog löpt hüüt wedder, binah hebbt wi gaar nicht wüsst wohin mit unsen Schiet.

Nu mütt wie woll ma seihn, wat wi ut den grooten Rägen leert. Mach ja ween, datt wi dat ümmer mol wedder kriegt.

Nu wünsch ick juch, dat ji juche Kellers wedder drög kriegt.